Facebook kompaniiasynyń basshysy Mark Tsýkerberg Vashingtondaǵy Djordjtaýn ýniversitetinde sóz sóilep, Facebook saiasi jarnamany toqtatpaitynyn aitty, dep jazady VVS.
Buǵan deiin Tsýkerberg jalǵan saiasi málimdemelerdiń jarnamasyna qatysty synǵa ushyraǵan edi.
Óz sózinde, Mark Tsýkerberg saiasatkerler men demokratiia jańalyqtaryn tsenýzarǵa ushyratý durys emes dep oilaitynyn aitty.
«Feisbýk platformasyndaǵy barlyq saiasi jarnamaǵa tyiym salý múmkindigi janjaqty zertteldi. Biraq halyq saiasatkerlerdiń sózderin onyń ras-ótirigine qaramastan bilýi kerek. Biz saiasi jarnamaǵa tyiym sala almaimyz», - dedi ol.
Ótken aptada jelide Mark Tsýkerberg Donald Tramptyń prezidenttik sailaýǵa ekinshi ret túsýin qoldaityny týraly jazbanyń jarnamasy keń tarap ketken bolatyn. Sol sebepti halyq Tsýkerbergten jalǵan málimeti bar saiasi jarnamalarǵa tyiym salýdy suraǵan edi.
