Elimizdiń birqatar óńirinde turǵyndardy koronavirýsqa qarsy vaktsinalaý kórsetkishi tómen bolyp tur. Bul týraly Úkimet otyrysynda QR Densaýlyq saqtaý ministri Aleksei Tsoi aitty, dep habarlaidy "Ult aqparat".
«Halyqty vaktsinalaý jalǵasýda. Shamamen 4,5 myń doza vaktsina qoldanyldy. Onyń ishinde 1-komponentpen 2 809 447 adam ekpe aldy. Bul - ekpe alýǵa kiretin halyqtyń 28,4 paiyzyn quraidy. Ekinshi komponentpen 1 715 750 adam qamtyldy. Búginde ekpe pýnktilerinde vaktsinanyń jetkilikti dozasy bar: 1-komponent - 1,1 mln doza jáne ekinshi komponent - 1,4 mln doza», - dedi ministr.
Onyń dereginshe, Mańǵystaý, Qostanai, Pavlodar, Batys Qazaqstan, Aqtóbe, Aqmola, Qaraǵandy, Jambyl, Almaty oblystarynda 1-komponent vaktsina alǵandar sany ortasha respýblikalyq kórsetkishten tómen.
«Respýblika aýmaǵynda Úndi shtamynyń taralýynyń anyqtalǵandyǵyn eskere otyryp, óńirlerdegi epidemiologiialyq turaqtylyqty ustap turý úshin jergilikti atqarýshy organdar vaktsinatsiia qarqynyn arttyrýy jáne halyq arasynda tezirek vaktsina alý qajettigi, maska rejimi, áleýmettik araqashyqtyq syndy negizgi aldyn alý is-sharalaryn saqtaý kerektigi týraly aqparattyq-túsindirý jumysyn kúsheitýi tiis», - dedi Aleksei Tsoi.
