Densaýlyq saqtaý ministri Aleksei Tsoi Qazaqstandaǵy epidemiologiialyq jaǵdaidyń úsh stsenariiin boljady, - dep habarlaidy "Ult aqparat".
Ol ministrlik boljamdy koronavirýstyń delta shtammynyń belsendi taralyp jatqanyn jáne halyqty vaktsinatsiiamen qamtýdy eskere otyryp daiyndaǵanyn túsindirdi. Onyń aitýynsha, aýrýdyń shyńy tamyz aiynda bolady.
"Pessimistik stsenarii boiynsha 2021 jyldyń shilde-qyrkúiek ailarynda tirkelgen jaǵdailardyń sany shamamen 400 myń adamǵa jetedi - ortasha eseppen táýligine tamyz aiynda 6 myń jaǵdaidan joǵary.
Ekinshi, shynaiy stsenarii boiynsha 2021 jyldyń shilde-qyrkúiek ailarynda tirkelgen jaǵdailardyń boljamdy sany shamamen 355 myń adamǵa jetedi - ortasha eseppen tamyz aiynda 5,3 myń jaǵdaidan joǵary.
Optimistik stsenariide 2021 jyldyń shilde-qyrkúiek ailarynda tirkelgen jaǵdailardyń sany shamamen 330 myń adamdy quraidy - ortasha eseppen táýligine tamyz aiynda 5 myńǵa jýyq jaǵdai joǵary", - dep naqtylady ministr Facebook-tegi jariialanymynda.
