Koronavirýsqa qarsy vaktsina kestege sáikes jetkizilip, óńirler suranysy qamtamasyz etiledi. Bul týraly QR Densaýlyq saqtaý ministri Aleksei Tsoi málim etti, dep habarlaidy QazAqparat.
«Memleket basshysy vaktsinalaý baǵdarlamasyn qoldap otyr. Vaktsina saldyryp, óziniń azamattyq ustanymyn kórsetti. Biz Qaraǵandyda jasalǵan vaktsinany («Spýtnikom V») Qazaqstanda shyǵarylǵan dep sanaimyz. Iaǵni ol Qazaqstanda, otandyq zaýytta shyǵarylǵan vaktsina. Budan bólek, otandyq ǵalymdar daiyndap jatqan QazSovid-in vaktsinasy da Qazaqstanda óndiriledi. Bul turǵyda biz qandai da bir problemany kórip turǵanymyz joq», - dedi A. Tsoi Ortalyq kommýnikatsiialar qyzmetinde.
Osy oraida ministr Memleket basshysy vaktsinalaý ár azamat úshin mańyzdy ekenin, álem elderi moiyndaǵan qadam bolyp sanalatynyn aiqyn kersetkenin atap ótti.
«Sondyqtan el halqyn vaktsina saldyryp, ujymdyq immýnitet qurýǵa shaqyramyz», - dedi Aleksei Tsoi.
Eske sala keteiik, jaqynda Memleket basshysy Qaraǵandy farmatsevtika zaýyty shyǵarǵan «Spýtnik-V» vaktsinasyn saldyrdy.
