كوروناۆيرۋسقا قارسى ۆاكتسينا كەستەگە سەيكەس جەتكٸزٸلٸپ, ٶڭٸرلەر سۇرانىسى قامتاماسىز ەتٸلەدٸ. بۇل تۋرالى قر دەنساۋلىق ساقتاۋ مينيسترٸ الەكسەي تسوي مەلٸم ەتتٸ, دەپ حابارلايدى قازاقپارات.
«مەملەكەت باسشىسى ۆاكتسينالاۋ باعدارلاماسىن قولداپ وتىر. ۆاكتسينا سالدىرىپ, ٶزٸنٸڭ ازاماتتىق ۇستانىمىن كٶرسەتتٸ. بٸز قاراعاندىدا جاسالعان ۆاكتسينانى («سپۋتنيكوم V») قازاقستاندا شىعارىلعان دەپ سانايمىز. ياعني ول قازاقستاندا, وتاندىق زاۋىتتا شىعارىلعان ۆاكتسينا. بۇدان بٶلەك, وتاندىق عالىمدار دايىنداپ جاتقان Qazسovid-in ۆاكتسيناسى دا قازاقستاندا ٶندٸرٸلەدٸ. بۇل تۇرعىدا بٸز قانداي دا بٸر پروبلەمانى كٶرٸپ تۇرعانىمىز جوق», - دەدٸ ا. تسوي ورتالىق كوممۋنيكاتسييالار قىزمەتٸندە.
وسى ورايدا مينيستر مەملەكەت باسشىسى ۆاكتسينالاۋ ەر ازامات ٷشٸن ماڭىزدى ەكەنٸن, ەلەم ەلدەرٸ مويىنداعان قادام بولىپ سانالاتىنىن ايقىن كەرسەتكەنٸن اتاپ ٶتتٸ.
«سوندىقتان ەل حالقىن ۆاكتسينا سالدىرىپ, ۇجىمدىق يممۋنيتەت قۇرۋعا شاقىرامىز», - دەدٸ الەكسەي تسوي.
ەسكە سالا كەتەيٸك, جاقىندا مەملەكەت باسشىسى قاراعاندى فارماتسەۆتيكا زاۋىتى شىعارعان «سپۋتنيك-V» ۆاكتسيناسىن سالدىردى.
