Tsifrlandyrý el meditsinasyn ońtailandyryp, dáriger men emdelýshiómirin jaqsartady. Bul týraly «Sapa TeleMed» JShS-niń direktory Kýljiian Orazalina habarlady.
«Tsifrlandyrý densaýlyq saqtaý salasynda aitarlyqtai mańyzǵa ie. Ol dáriger men patsienttiń ómirin jaqsartyp, olarǵa qiyndyq keltiretin qaǵazbastylyqty joiady. Ýaqytty únemdeýge de óz úlesin qosyp, barlyq protsesti ońtailandyrady», –dedi K. Orazalina.
Osy rette kompaniia direktory EKG júiesi týraly aityp ótti. Elektrokardiografiianyń júrek aýrýlaryn emdeýde aitarlyqtai paidasy bar ekendigine de toqtaldy.
«EKG júrek aýrýlaryn emdeýde kóp kómek kórsetedi. Ózimiz biletindei, elimizde júrek aýrýlarynyń saldarynan ólim deńgeii men múgedektikke ushyraý joǵary satyda. Al, bul júieniń arqasynda ólim-jitim kórsetkishi tómendedi», – dedi «Sapa TeleMed» JShS direktory.
Onyń aitýynsha, elektrokardiografiianyńengizilýijúrek aýrýlaryn ýaqtyly emdeýge múmkindik berdi.Baǵasy da jergilikti halyqqa qoljetimdi.
«Biz tómen baǵany ustap turǵymyz keledi. Quny óńirdegi meditsinalyq ortalyqtardan aspaidy. Biz barlyq emhanalarmen baǵany salystyrdyq. Qural-jabdyq shetelden kelse de, tómen baǵamen usynatyn bolamyz», – dedi ol.
Aita keteiik, EKG telemetriialyq júiesi ǵylymi zertteý jumystarynyń nátijesinde Qaraǵandy oblysynda 2016 jyldyń jeltoqsanynda quryldy. Búginde telemetriialyq apparattar ortalyq aýdandyq aýrýhanalarǵa, sondai-aq, shalǵaidaǵy aýyldyq zerthanalarǵa úlestirilgen.Sondai-aq, kardiologtar tapshylyǵy baiqalatyn Priozersk, Qarajal jáne Jairem eldi mekenderiniӊ aýrýhanalaryna berilgen. EKG aqparattyq biryńǵai jiyntyqtan turady. Iaǵni, onyń qurylymyna baǵdarlamany qamtamasyz etetin server, 12 kanaldyq telemetriialyq elektrokardiogafiia enedi.Qural shaǵyn, alyp júrýgeyńǵaily, úi jaǵdaiynda da qoldanýǵa bolady.
Qaraǵandyda jedel diagnostikalaýdyӊ oblystyq jelisi bar. Bul úshin kardiohirýrgiialyq ortalyq shamamen 8 mln. teӊgege 15 telemetriialyq EKG apparatyn satyp alǵan bolatyn. Joǵary bilikti mamandardyӊ diagnoz qoiyp, tiimdi emdeý sharalaryn taǵaiyndaýy úshin qural onlain rejimde kardiogrammany sitýatsiialyq ortalyqqa jiberýge múmkindik beredi.
Maiseitov Shyńǵys
