Qyzylorda qalalyq №2 sotynyń úkimimen Tsifrlyq damý, innovatsiialar jáne aeroǵarysh ónerkásibi ministrligine qarasty «Infrakos» sharýashylyq júrgizý quqyǵyndaǵy respýblikalyq memlekettik kásiporyn bas direktorynyń mindetin atqarýshy qomaqty kólemde aiyppul arqalady, dep habarlaidy QazAqparat.
Sybailas jemqorlyqqa qarsy is-qimyl agenttiginiń asa mańyzdy ister jónindegi tergeýshisi Daniiar Begaidarovtyń aitýynsha, kásiporyn basshysy «Baiqońyr» ǵarysh ailaǵynyń aýmaǵynan 200 tonna qara metaldyń kedergisiz áketilýine jol bergen.
«Iriýkov «Baiqońyr» ǵarysh ailaǵynyń alańynda (Resei jalǵa alǵan aýmaq) ornalasqan «Infrakos» ShJQ RMK aýmaǵynan 200 tonna qara metaldy kedergisiz áketkeni úshin jeke kompaniia ókilinen jalpy somasy 600 myń teńgeni quraityn, júieli negizde para aldy degen kúdikke ilindi», - deidi agenttik ókili.
Sot sheshimi boiynsha bas direktordyń mindetin atqarýshy K.S. Iriýkov Qylmystyq kodekstiń 366-baby 2-bóligi boiynsha ómir boiyna memlekettik qyzmette jumys isteý quqyǵynan aiyrylyp, 17,6 mln teńge aiyppul tóleitin boldy. Bul, ol alǵan paranyń 30 eselengen mólsherine teń.
