قىزىلوردا قالالىق №2 سوتىنىڭ ٷكٸمٸمەن تسيفرلىق دامۋ, يننوۆاتسييالار جەنە اەروعارىش ٶنەركەسٸبٸ مينيسترلٸگٸنە قاراستى «ينفراكوس» شارۋاشىلىق جٷرگٸزۋ قۇقىعىنداعى رەسپۋبليكالىق مەملەكەتتٸك كەسٸپورىن باس ديرەكتورىنىڭ مٸندەتٸن اتقارۋشى قوماقتى كٶلەمدە ايىپپۇل ارقالادى, دەپ حابارلايدى قازاقپارات.
سىبايلاس جەمقورلىققا قارسى ٸس-قيمىل اگەنتتٸگٸنٸڭ اسا ماڭىزدى ٸستەر جٶنٸندەگٸ تەرگەۋشٸسٸ دانييار بەگايداروۆتىڭ ايتۋىنشا, كەسٸپورىن باسشىسى «بايقوڭىر» عارىش ايلاعىنىڭ اۋماعىنان 200 توننا قارا مەتالدىڭ كەدەرگٸسٸز ەكەتٸلۋٸنە جول بەرگەن.
«يريۋكوۆ «بايقوڭىر» عارىش ايلاعىنىڭ الاڭىندا (رەسەي جالعا العان اۋماق) ورنالاسقان «ينفراكوس» شجق رمك اۋماعىنان 200 توننا قارا مەتالدى كەدەرگٸسٸز ەكەتكەنٸ ٷشٸن جەكە كومپانييا ٶكٸلٸنەن جالپى سوماسى 600 مىڭ تەڭگەنٸ قۇرايتىن, جٷيەلٸ نەگٸزدە پارا الدى دەگەن كٷدٸككە ٸلٸندٸ», - دەيدٸ اگەنتتٸك ٶكٸلٸ.
سوت شەشٸمٸ بويىنشا باس ديرەكتوردىڭ مٸندەتٸن اتقارۋشى ك.س. يريۋكوۆ قىلمىستىق كودەكستٸڭ 366-بابى 2-بٶلٸگٸ بويىنشا ٶمٸر بويىنا مەملەكەتتٸك قىزمەتتە جۇمىس ٸستەۋ قۇقىعىنان ايىرىلىپ, 17,6 ملن تەڭگە ايىپپۇل تٶلەيتٸن بولدى. بۇل, ول العان پارانىڭ 30 ەسەلەنگەن مٶلشەرٸنە تەڭ.
