Elimizde internet signalynyń sapasyn tekseretin «Bailanys bar» veb-saity ashyldy. Bul týraly QR tsifrlyq damý, innovatsiialar jáne aeroǵarysh ónerkásibi ministri Baǵdat Mýsin aitty, dep habarlaidy QazAqparat.
«Bul sait internettiń álsiz signalyn tirkeýge alady. Saitqa kirgende bir ǵana batyrma arqyly bailanys signalyn tirkeýge bolady. Bul derekter bizdiń ministrliktiń derekter bazasyna kelip túsedi. Osylaisha, qandai da bir eldi meken men naqty geolokatsiiada bailanys signalynyń álsiregenin kóre alamyz. Tiisinshe, biz qadaǵalaýshy organ retinde operatorlardan talap etemiz. Biz operatorlarǵa litsenziia beremiz jáne olar belgili jaǵdai boiynsha sapaly bailanyspen qamtýǵa mindetti. Al biz sapany qadaǵalaimyz», - dedi ministr Ortalyq kommýnikatsiialar qyzmetinde.
«Saitqa kez kelgen adam kire alady jáne óz ainalasyndaǵy internet sapasyn tirkei alady. Barlyq derekti jinaǵan soń, ári qarai ne isteý kerektigin josparlaimyz. Óitkeni, elimizdiń aýmaǵy orasan úlken jáne bizdiń josparymyz operatorlardyń naqty múmkindikterimen ushtasýy qajet», - dedi B. Mýsin.
Buǵan deiin ministr interneti joq aýyldar men shatyrǵa shyǵyp sabaq oqityn balalar týraly pikir bildirgen edi.
