Tsifrlandyrý jónindegi vitse-ministrler 24-25 qazanda Nur-Sultanda ótetin Digital Bridge halyqaralyq tehnologiialyq forýmynda bas qosady, dep habarlaidy "Ult aqparat" Astana Hub baspasóz qyzmetine silteme jasap.
Sharaǵa Densaýlyq saqtaý Vitse-ministri - Oljas Ábishev, Bilim jáne ǵylym vitse - ministri Rústem Biǵari, Eńbek jáne halyqty áleýmettik qorǵaý vitse-ministri - Nariman Muqyshev, Qarjy vitse - ministri - Rýslan Eńsebaev, sandyq damý, innovatsiia jáne aeroǵarysh ónerkásibi vitse-ministri Abylai Ospanov qatysady. Olar Digital Bridge forýmynda Qazaqstannyń sandyq transformatsiiany talqylaidy.
Sessiia Astana Hub IT-startaptarynyń halyqaralyq tehnoparkinde ótedi jáne 5 CDO Open Talks dep atalady. Sandyq transformatsiiaǵa jaýap beretin menedjerlerdi CDO nemese Chief Digital Officer ataidy.
Sessiianyń 90 minýty naryqpen yntymaqtastyqtyń tabysty tájiribesin de, sondai-aq búgin memleket aldynda turǵan qiyndyqtardy talqylaýǵa arnalady. Vitse-ministrler IT-qoǵamdastyqpen birlesip sandyq jobalardy iske asyrýda memlekettik organdardyń IT-naryǵymen yntymaqtastyǵynyń tabysty keisterin talqylady, «Tsifrlyq Qazaqstan» memlekettik baǵdarlamasynyń aǵymdaǵy jobalaryn iske asyrýdyń qiynshylyǵy jáne IT-naryqqa memleketke qalai kómektesedi degen máseleler qaralady.
Forým uiymdastyrýshylarynyń habarlaýynsha, oǵan qatysýshylar vitse-ministrlerge kez kelgen suraqtardy qoiyp, sandyq sheshimder arqyly azamattardyń ómirin jaqsartý týraly ideialarmen bólise alady.
24-25 qazanda Nur-Sultanda Digital Bridge halyqaralyq tehnologiialyq forýmy - media jáne mádeniet salalaryndaǵy ideialarmen almasý alańy ótedi.
Forým aiasynda birneshe sessiia ótkizý josparlanýda, olardyń arasynda Next Tech Entrepreneur Forum, Digital Qazaqstan Forum, QazTech Forum, Astana Hub Battle jáne Astana Hub Awards bar.
Eske sala ketsek, qyrkúiek aiynyń sońynda QR Tsifrlyq damý, innovatsiialar jáne aeroǵarysh ónerkásibi ministrligi qoǵam qairatkerleri, jýrnalister men blogerlerden quralǵan Tsifrlyq komissarlar tobyn qurdy.
