Prezident joldaýy arqyly qoǵamdy jańǵyrtýǵa qadam basqanyn bildirdi. Bul týraly ekonomika ǵylymdarynyń doktory, akademik Orazaly Sábdenov aitty, dep habarlaidy QazAqparat.
«Biylǵy Prezident joldaýynda betburys qadamdar, jańa tyń usynystar bar. Joldaýdy tereńirek qarasańyz, Prezident túbegeili reformaǵa barǵysy bar. Oi, ideia, tapsyrma berilgen. Prezident tipti qoǵamdy jańǵyrtýǵa barmaqshy. Jańa joldaý - revoliýtsiialyq ideialar jiyntyǵy. Alaida kórsetilgen meje mindetter halyqpen birge iske asýy kerek. Ár adamnyń yntasy, sanasy ózgermese basqasynan nátije az bolady», - dedi ǵalym.
Akademik Joldaýdaǵy 11-taraýdyń ishinde eń mańyzdysy ulttyq jańa bolmysyna arnalǵan taraý ekenin aitty.
«Mańyzy jaǵynan 11-taraýdyń ishinen ulttyń jańa bolmysyna qatysty taraýǵa basymdyq berilip tur. Jańa zaman bastaldy. Álem kúrt ózgergen. Erteń ne bolaryn bilmeimiz. Tipti G7, G20 elderi AQSh-tan bastap ózderi de daǵdarysta. Aldy 30 paiyzǵa, Britaniia 20 paiyzǵa shyǵynǵa batqan. Endi basqa pýnktter alǵa shyǵady. Tsifrlandyrý, internet, IT, biotehnologiia, jasandy intellekt zamany kele jatyr. Damyǵan memleketterde 75 paiyzdan joǵary kiris intellektýaldyq eńbekten, 25 paiyzy munai-gaz materialdyq saladan kelip jatyr. Myna joldaýda qaita óńdeýdi tez damytý, shikizat ekonomikasynan ketý mejesi qoiylǵan. Ekonomikany kúsheitpese qalǵany bolmaidy», - dedi ol.
