QR Tsifrlyq damý, innovatsiialar jáne aeroǵarysh ónerkásibi ministri Baǵdat Mýsin «Tsifrlandyrý, ǵylym jáne innovatsiialar esebinen tehnologiialyq serpilis» ulttyq jobasynyń baǵyttaryn túsindirdi, dep habarlaidy QazAqparat.
«Memleket basshysynyń Joldaýy aiasynda aitylǵan tapsyrmasyna sáikes, «Tsifrlandyrý, ǵalym jána innovatsiialar esebinen tehnologiialyq serpilis» ulttyq jobasy ázirlenip, bekitildi. Onyń maqsaty elimizdi zamanaýi memleketke ainaldyrý, tsifrlyq transformatsiia arqyly tiimdi memlekettik basqarýdy, senimdi derekter negizinde sheshimder qabyldaýdy, tsifrlyq dáýirde infraqurylymdy tiimdi jáne qaýipsiz paidalanýdy qamtamasyz etý, eldiń áleýmettik-ekonomikalyq damýyna ǵylymi úlesin arttyrý», - dep atap ótti B. Mýsin Ortalyq kommýnikatsiialar qyzmetinde ótken baspasóz máslihatynda.
Ministrdiń aitýynsha, ulttyq joba 10 baǵyttan, 226 tapsyrmadan, 44 kórsetkishten jáne 211 is-sharadan turady, olardy iske asyrý 2025 jylǵa deiin josparlanǵan.
«Ulttyq joba eki blokqa bólingen: «Tsifrlyq transmormatsiia» jáne «Ǵylym» blogy. «Tsifrlyq transmormatsiia» blogy memlekettik qyzmetterdi 5 minýt ishinde kórsetý, IT salasyn damytý, halyq únine qulaq asatyn jáne tiimdi memleket qurý, qolaily ómir súrýge arnalǵan tsifrlyq quraldardy qoldaný, tehnologiialyq jáne innovatsiialyq biznesti damytý, sapaly internet pen aqparattyq qaýipsizdikti qamtamasyz etý baǵyttarynan turady.
Al «Ǵylym» blogynda – «Ǵylymnyń kadrlyq áleýetin nyǵaitý», «Ǵylymi ekojúieniń básekege qabilettiligin arttyrý», «Eldiń damýyna ǵylymnyń úlesin arttyrý» iaǵni ǴYLYM-ÓNDIRIS-BIZNES ustanymyn qoldaný jáne «Ǵylymdy ákimshilendirýdi jetildirý» baǵyttary bar», - dep túsindirdi B. Mýsin.
Onyń aitýynsha, ulttyq jobany iske asyrý úshin 2,2 trln teńge qarajat jumsalady. Onyń ishinde 1,4 trln teńge memlekettik biýdjetten, al 800 mlrd teńge jeke investitsiialar retinde tartylatyn bolady. Atalǵan ulttyq joba Premer-Ministrdiń qaýlysymen 12 qazanda qabyldandy.
