Elimizdegi aqparattyq-kommýnikativtik tehnologiialardyń damýymen azamattar men memlekettiń ózara árekettestigin yńǵaily, qarapaiym, qoljetimdi jáne túsinikti etý úshin elektrondy úkimet tujyrymdamasyn ázirlegen bolatyn. Elektrondy úkimet qurý isi bilik organdarynyń jumysyn anaǵurlym tiimdi, azamattarǵa qoljetimdi etý úshin qajet boldy. Osy oraida Memlekettik qyzmet agenttigi «iQyzmet» aqparattyq júiesin ázirlep jatyr, - dep habarlaidy «Ult aqparat».
Belgili bolǵanyndai, budan bylai Memlekettik basqarý salasynda «kadrlyq strategiia» jáne «kadrlyq josparlaý» degen uǵymdar engiziledi. Bul týraly Memlekettik qyzmet isteri agenttigi tóraǵasynyń orynbasary Darhan Jazyqbaev baiandaǵan bolatyn.
«Memlekettik basqarý salasynda «kadrlyq strategiia» jáne «kadrlyq josparlaý» degen uǵymdar engiziledi. Kadrlyq saiasatta adam resrýstaryn basqarýǵa basymdyq berý úshin qaǵazbastylyqtan arylyp, tsifrlandyrylǵan qyzmetke aýysý qajet bolady. Osy úshin «iQyzmet» aqparattyq júiesin qurýǵa kúsh salyp jatyrmyz. Bul júie kadrmen bailanysty operatsiialyq úderisterdi avtomattandyryp, ońtaily ete túsedi», - dedi Memlekettik qyzmet isteri agenttigi tóraǵasynyń orynbasary Darhan Jazyqbaev.
Sonymen qatar, Jazyqbaevtyń aitýynsha, osy ýaqytta volonterler 700 myń adamǵa memlekettik qyzmetti qashyqtan alýdy úiretken. Bul arqyly Memlekettik qyzmet isteri agenttigi «elektrondyq úkimet» portalyn qoldanýshylardyń sanyn eriktilerdiń kómegimen kóbeitýdi maqsat etip otyr.
Tóraǵa orynbasarynyń málimdeýinshe, belgili bolǵanyndai, pandemiia kezeńinde eriktiler halyqtyń «elektrondyq úkimet» portalyn paidalanýyna belsendi kómektesken.
«2020 jyly Agenttik «elektrondyq úkimet» portaly arqyly qyzmet alý halyqty úiretý úshin eriktiler jumysyn uiymdastyrdy. Barlyq óńirler boiynsha 400-den astam erikti jumyldyrylyp, 700 myńdai azamat tsifrlyq memlekettik qyzmetterdi alý ádisterin úirendi. Biyl da eriktiler halyqty memlekettik qyzmetterdi «elektrondyq úkimet» portaly arqyly jáne onyń mobildi qosymshasy arqyly alýǵa úiretip jatyr», - dedi Darhan Jazyqbaev.
Aita keteiik, elektrondy úkimet – aqparattyq tehnologiialar kómegimen ishinara kelisýshilikti qamtamasyz etetin, memleket pen azamattar arasyndaǵy, sondai-aq memlekettik organdardyń ózara árekettestiginiń biryńǵai mehanizmi ekeni belgili. Memlekettik organdarǵa kezekti qysqartyp, anyqtama, kýálik, ruqsat qujattaryn jáne taǵy basqalaryn alýdy jeńildetýge ári jyldamdatýǵa múmkindik bergen de – osy mehanizm.
Esterińizge salaiyq, elektrondy úkimet qurý isi bilik organdarynyń jumysyn anaǵurlym tiimdi, azamattarǵa qoljetimdi etý úshin qajet boldy. Osy oraida Memlekettik qyzmet agenttigi «iQyzmet» aqparattyq júiesin ázirlep jatyr. Sonymen qatar, Memlekettik qyzmet isteri agenttigi «elektrondyq úkimet» portalyn qoldanýshylardyń sanyn eriktilerdiń kómegimen kóbeitýdi maqsat etip, osy ýaqytta volonterler 700 myń adamǵa memlekettik qyzmetti qashyqtan alýdy úiretken. Iaǵni tóraǵa orynbasarynyń málimdeýinshe, belgili bolǵanyndai, pandemiia kezeńinde eriktiler halyqtyń «elektrondyq úkimet» portalyn paidalanýyna belsendi kómektesken.
