Qairat Satylǵanov «Tsesnabank» AQ Direktorlar keńesiniń jańa tóraǵasy bolyp sailandy, dep habarlaidy QazAqparat.
Bul týraly «Tsesnabank» AQ direktorlar keńesiniń múshesi Nikolai Mesheriakov banktiń bas keńsesinde ótken brifingte málimdedi.
Buǵan deiin Qairat Satylǵanov banktiń táýelsiz direktory laýazymynda bolǵan.
«Bank qyzmetin ári qarai jetildirý maqsatynda aktsionerler korporativtik basqarýdyń úzdik tájiribelerin engizý týraly sheshim qabyldady. Ondaǵy basty ustanymdardyń biri aktsionerlerdiń bank qyzmetine aralaspaýy bolyp otyr. Ózderińiz biletindei, 14 qyrkúiekte Ýlf Vokýrka Basqarma tóraǵasy bolyp sailandy. 24 qyrkúiekten bastap Qairat Satylǵanov direktorlar keńesiniń tóraǵasy atandy. 18 qazan kúni aktsionerlerdiń jinalysy ótedi, onda direktorlar keńesiniń quramy qaralady. Aktsionerler quramy ózgermeidi. Biz osynda qalamyz jáne kapitaldandyrýdy eki kezeńde júzege asyramyz», - dedi Nikolai Mesheriakov.
Aita keteiik, 2018 jylǵy 19 qyrkúiekte QR Úkimeti men QR Ulttyq Banki «Tsesnabank» AQ-nan 450 mlrd teńgeniń aýyl sharýashylyǵy nesieleriniń portfelin satyp alý tetigin bekitti. «Tsesnabank» AQ «QazAgro Ulttyq basqarýshy holdingi» AQ birlesip, aýyl sharýashylyǵy ónimin óndirýshilerge berilgen valiýtalyq nesielerdi nesielendirý merzimderin uzarta otyryp, teńgelik nesiege aiyrbastaý tetigin bekitti.
