Tsement baǵasy túspese, importqa ruqsat berilýi múmkin, dep habarlaidy QazAqparat.
Bul týraly halyq aldyndaǵy eseptik kezdesýinnen keiin BAQ ókilderiniń saýalyna jaýap bergen Indýstriia jáne infraqurylymdyq damý ministri Beibit Atamqulov aitty.
«Elimizde 12 tsement óndirýshi bar. Jyl saiyn 15 mln tonna tsement óndiredi. Al tutyný kólemi – 9,5 mln tonnanyń mańaiynda. Óndirýshi baǵany ary ketse 5 paiyz ǵana kótergen. Qalǵan ósimniń bári alyp satqyshtar men saýda kompaniialarynyń tarapynan bolǵanyn kórip otyrmyz. Biz óz kezegimizde Báskelestikti qorǵaý jáne damytý agenttigine júgindik. Olar naryqtaǵy baǵany tekseredi. Qazir solarmen birge taldaý jasap jatyrmyz. Sonyń qorytyndysy boiynsha ákimshilik sharalar qabyldanady», - dedi Beibit Atamqulov.
Ministr baǵany yryqqa kóndirý úshin retteý tetikteri iske qosylatynyn eskertti.
«Eger agenttiktiń tekserýi kezinde baǵany qoldan ósirý anyqtalsa, ministrlik tsement importyna ruqsat engizedi. Osylaisha ishki naryqta tsementtiń usynysy kóbeiedi. Bul avtomatty túrde betonnyń qunyna, qurǵaq qospalardyń qunyna áser etedi. Osylaisha importtyq interventsiia esebinen baǵany túsire alamyz. Biz qabyldai alatyn aqtyq shara osy bolady. Al aldyn ala kelisip alý, sybailastyq týraly aitsaq, Básekelestikti qorǵaý jáne damytý agenttiginiń tekserýi bárin anyqtaidy. Ol týraly qosymsha habarlaimyz», - dedi vedomstvo basshysy.
