Nurjan Úsipbekov triatlonnan Qazaqstan komandasynyń jańa bas bapkeri bolyp taǵaiyndaldy. Bul týraly «Ult aqparat» federatsiianyń baspasóz qyzmetine silteme jasap habarlaidy.
Úsipbekov búginge deiin bas bapker mindetin atqarǵan Andrei Glýshenkonyń ornyn basty. Búǵan deiin ol jasóspirimder quramasynda jattyqtyrýshylyq qyzmette bolǵan.
Nurjan Baqytuly Úsipbekov - triatlonnan sport sheberi, ári Qazaqstan chempionattarynyń júldegeri. Bapkerlik qyzmettegi eńbek ótili 11 jyldy quraidy.
«Andrei Glýshenkonyń jetekshiligimen Qazaqstan komandasy kóptegen jetistikterge jetti. Degenmen, Olimpiada qarsańynda bizge áli de kóp jumys isteý qajet. Eń basty maqsat – litsenziia jeńip alý. Sondai-aq, biz qyrkúiek aiynda Nur-Sultanda ótetin Aziia chempionatynda jeńis tuǵyrynan kórinýdi kózdep otyrmyz. Bul bas bapker retinde maǵan úlken jaýapkershilik júkteidi. Osy oraida, biz jaqsylyqtan úmittimiz. Tokioda ulttyq quramaǵa jankúier bolyp, Aziia chempionatynda jeńiske jetemiz degen senimdemin. Maǵan kórsetilgen senim úshin alǵysym zor», - deidi Nurjan Úsipbekov.
«Ult aqparat».
