Foto: Alex Plavevski / EPA / TASS
Astanada qoǵamdyq oryndardy ádeii lastaǵan eki qyz ákimshilik jaýapkershilikke tartyldy. Bul týraly elorda politsiia departamenti habarlady.
Oqiǵalardyń biri Báiterek monýmenti mańynda tirkelgen. Qala turǵyny ishimdik quiylǵan bótelkeni ashyp, ishindegisin ainalaǵa shashyp, qoǵamdyq aýmaqty lastaǵan. Ekinshi jaǵdaida qyz oryndyqta otyryp, sýsyndy ádeii tógip, demalys ornyn búldirgen.
Belgili bolǵandai, ekeýi de bul áreketterin áleýmettik jelige «trendtik» kontent túsirý maqsatynda jasaǵan.
Politsiia mundai áreketterdiń zańǵa qaishy ekenin eskertip, qoǵamdyq oryndardy lastaý tek quqyq buzýshylyq emes, sonymen birge qala tazalyǵy men kommýnaldyq qyzmet eńbegine qurmetsizdik ekenin atap ótti.
