QR Energetika vitse-ministri Áset Maǵaýov elimizdegi dizel otyny naryǵyndaǵy jaǵdaiǵa túsinik berdi, dep habarlaidy QazAqparat.
«Biyl dizel otynyn óndirý kólemi 4,9 mln tonnany quraidy, bul 2015 jyldan bergi eń joǵary kórsetkish. Kórip otyrǵandaryńyzdai, dinamika boiynsha bizdiń munai óńdeý zaýyttarymyzdaǵy óndiris turaqty túrde ósip keledi. Jalpy, biylǵy 5 aiynda tutyný mamyr men qyrkúiek aralyǵynda 2020 jyldyń sáikes kezeńimen salystyrǵanda 480 myń tonnaǵa jáne 2019 jyldyń sáikes kezeńimen salystyrǵanda 246 myń tonnaǵa joǵary boldy», - dedi Á. Maǵaýov Ortalyq kommýniatsiialar qyzmetinde.
Onyń aitýynsha, elimizdegi bólshek saýda baǵasy kórshi elderge qaraǵanda aitarlyqtai tómen, bul turǵyda tranzittik kólikter dizel otynyn satyp alýy kólemin arttyrǵan.
Sonymen qatar vitse-ministr qazirgi ýaqytta Reseimen salystyrǵanda, kóterme baǵanyń aiyrmashylyǵy tonnasyna 80-90 myń teńgeni quraitynyn jetkizdi. Reseide janar-jaǵarmaidyń kóterme baǵasy álemdik munai baǵasynyń kóterilýimen birge ósti. Al Qazaqstanda osy kezde bul baǵalar azdap qana ózgerip otyrdy.
