AQSh prezidenti Donald Tramp óziniń immigratsiia týraly jarlyǵynyń kúshin qalpyna keltirýden bas tartqan sýdianyń sheshimin synady. "Sýdianyń elimizdi munshalyqty qaýipke dýshar etip otyrǵanyna sene almai otyrmyn. Eger birnárse bolsa, sýdia men sot júiesin kinálańyzdar. Adamdar aǵylyp keledi. Jaman!" dep jazdy Tramp Twitter-de.
5 aqpanda AQSh-tyń apelliatsiialyq soty ádilet ministrliginiń Sietl federaldyq sýdiasynyń Tramptyń AQSh-qa elge musylmandar basym turatyn jeti el azamattarynyń kirýine tyiym salatyn jarlyǵynyń kúshin toqtatý týraly sheshimine qarsy shaǵymyn qabyldamai tastaǵan. Sýdia migratsiialyq jarlyq konstitýtsiiaǵa qaishy keledi dep túsindirgen.
AQSh ádilet ministrligi apelliatsiialyq shaǵym berip, budan soń Tramp óz ákimshiliginiń jeńiske jeterine senimdi ekenin málimdegen.
Donald Tramp daýǵa qalǵan immigratsiia týraly jarlyǵyn shyǵarǵan. Bul jarlyq boiynsha Siriiadan shyqqan bosqyndardyń elge kirýine 120 kúnge deiin tyiym salynǵan edi.
