AQSh Prezidenti Donald Tramp Máskeýdiń 2018 jylǵy naýryz aiynda Ulybritaniiada turatyn burynǵy GRÝ ofitseri Sergei Skripal men onyń qyzyn ýlaýǵa qatysy bar degen negizde Reseige sanktsiia salý týraly buiryqqa qol qoidy.
1 tamyzda qol qoiylǵan buiryq - Reseidiń "novichok" atty júike júiesine áser etetin joiqyn ý qoldanýǵa qatysy bar ekeni anyqtalǵan soń Himiialyq jáne biologiialyq qarý-jaraqty baqylaý men joiý aktisiniń negizinde Máskeýge salynǵan sanktsiianyń ekinshi bóligi.
Jańa sanktsiia AQSh bankterine Resei úkimetine azyq-túlik pen azyq-túlikke qatysty aýylsharýashylyq ónimderin satyp alýdan basqa eshbir salada nesie bermeýdi mindetteidi.
AQSh-tyń reseilik kompaniialarǵa bergen bank nesie kólemi Kreml Qyrymdy anneksiialap alǵanǵa deiingi 45 milliard AQSh dollarynan biyl 10 milliard dollarǵa deiin azaiyp ketken.
