AQSh prezidenti Donald Tramp pen Ýkraina prezidenti Vladimir Zelenskii telefonmen sóilesti. Bul týraly 25 shildede Aq úi habarlady.
Zelenskiige telefon shalǵan Tramp ony Ýkrainadaǵy parlament sailaýynyń sátti ótýimen jáne prezidenttiń "Slýga naroda" partiiasynyń jeńiske jetkenimen quttyqtady.
Zelenskii "Reseige salynǵan sanktsiia kúshin saqtap, qysymdy údetip otyrǵany" úshin AQSh-qa alǵys aitqan. Ýkraina prezidentiniń baspasóz qyzmetiniń habarlaýynsha, AQSh Prezidenti "Ýkrainanyń jańa biligi el bedelin jaqsartyp, AQSh pen Ýkraina arasyndaǵy ózara is-qimyldy júzege asyrýǵa kedergi bolyp otyrǵan jemqorlyq isterdi tolyq tergep- tekseretine" senim bildirgen.
Budan keiin eki el jetekshisi AQSh pen Ýkraina arasyndaǵy energetikalyq jáne ekonomikalyq yntymaqtastyq jaiyn sóz etken.
Buǵan deiin Vladimir Zelenskiidiń Donald Tramp shaqyrýymen Vashingtonǵa baratyny habarlanǵan, degenmen naqty qai kúni baratyny aitylmady.
