AQSh prezidenti Donald Tramp eldiń Meksikamen shekarasyna 15 myń áskeri qyzmetker jóneltýdi josparlap otyr. Bul - AQSh-tyń qazir Aýǵanstanda qyzmet etetin áskeri sanyna teń.
Áskeriler shekaralyq aimaqtarda shekara jáne immigratsiialyq qyzmet jumysshylaryna kómektesedi. Qazir AQSh-tyń ońtústik shekarasynda bes myńnan astam áskeri qyzmetker men eki myńnan astam Ulttyq gvardiia sarbazdary ornalasqan.
AQSh zańdary boiynsha áskerilerge quqyq qorǵaý organdarynyń mindetterin tikelei atqarýǵa tyiym salynǵan. Alaida, armiia quqyq qorǵaý organdaryna tártipsizdikpen kúreste jáne tabiǵi apattar saldaryn joiýda kómek kórsete alady.
Sarapshylar aldaǵy aptada AQSh Kongressine bolatyn aralyq sailaýda Aq úi ákimshiliginiń saiasaty synǵa túsedi dep boljaidy. Donald Tramp buǵan deiin immigratsiia máselesine qatysty óziniń ustanymy - Kongress sailaýynda basty taqyryp bolatynyn aiqyn bildirgen.
Tramp birer kún buryn el konstitýtsiiasyndaǵy AQSh-ta týǵan kez-kelgen adamǵa Amerika azamattyǵyn alýǵa quqyq beretin erejeni bir ǵana jarlyǵymen joiaǵa quzyreti baryn málimdegen. Ol 31 qazan kúni Florida shtatynda jýrnalistermen áńgimesinde migranttary AQSh-qa lek-legimen bet alǵan Latyn Amerikasy elderine kómek kórsetýdi toqtatýy múmkin ekenin eskertken.
