AQSh prezidenti Donald Tramp 29 mamyr kúngi baspasóz máslihaty kezinde Gonkongti erekshe mártebesinen aiyratynyn málimdedi. Tramp Qytaidyń saýda jáne ulttyq qaýipsizdik máselelerin sheshýde qoldanyp otyrǵan amal-tásilderin aiyptady.
AQSh Gonkongpen ekstraditsiia, eksport jáne saýda máseleleri boiynsha jasasqan kelisimderin qaita qaraidy. Tramp sonymen birge AQSh memlekettik departamenti Qytaidyń ishki qaýipsizdik kúshteri tarapynan ańdý, qoqan-loqy kóbeigenin eskere otyryp, Gonkongke bergen rekomendatsiialaryn qaita qaraitynyn aitty.
The New York Times basylymynyń jazýynsha, Tramp sheshimi Pekinniń Gonkongtiń ulttyq qaýipsizdik salasyndaǵy saiasatyna kiligýine "jaýap" retinde qabyldanyp otyr.
Donald Tramp juma kúni AQSh Dúniejúzilik densaýlyq saqtaý (DDSU) uiymyn qarjylandyrýdy toqtatatynyn málimdedi. Onyń sózine qaraǵanda "DDSU koronavirýspen tiimdi kúrese almaǵan, sebebi Qytaidyń yqpalyna ushyraǵan".
Tramptyń sózine qaraǵanda qytai biligi ózderiniń jaýapkershiligin tolyq moiyndamai, DDSU-ǵa qysym jasap, sonyń kesirinen uiym búkil álemge jańa koronavirýstyń qaýpin durys eskertpei, jańylystyrǵan.
Tramptyń aitýynsha, AQSh DDSU-ǵa 450 mln dollar kóleminde jarna quiady, al Qytai quiatyn jarna kólemi shamamen 40 mln dollardan quralǵan.
AQSh - DDSU-ǵa eń kóp jarna quiatyn memleket. Vashington sheshimi uiymnyń jumysyn álsiretedi dep aitylady. Tramptyń sózine qaraǵanda, uiymǵa bólinetin qarjy álemniń densaýlyq saqtaý salasyndaǵy ózge de mańyzdy máselelerdi sheshýge jumsalmaq.
