AQSh Prezidenti Donald Tramp Senat pen Kongress palatalarynyń aldynda sóz sóilep, Soltústik Koreia basshysymen ekinshi iadrolyq sammit ótkizetinin málimdedi. VVS basylymynyń jazýynsha, 82 minýtqa sozylǵan sózinde Donald Tramp aqpannyń 27-28 kúnderi Vetnamda QHDR basshysy Kim Chen Ynmen joǵary deńgeidegi kezdesý ótkizetinin aitqan.
«Ekinshi sammitti ótkizý týraly jospar byltyr maýsymda ótken tarihi kezdesýden keiin quryla bastaǵan bolatyn. Ótken jyldyń jazynan beri Soltústik Koreia atom nemese ballistikalyq raketelardy synaqtan ótkizbedi. Degenmen, olar áli iadrolyq qarý qurý baǵdarlamasynan bas tartqan joq», - dedi Donald Tramp.
VVS basylymynyń avtory Lora Bikerdiń aitýynsha, ekinshi sammit kezinde Kim Chen Yn esh negizsiz, taǵy ýáde berip qutylýy múmkin. Degenmen, Tramp ákimshiligi sanktsiialardan bas tartpaitynyn, biraq Soltústik Koreianyń ekonomikasyna kómek berilýi múmkin ekenin atap ótti.
«Donald Tramp Kim Chen Ynnan aýyzsha emes, qaǵaz júzinde málimdeme alýy kerek. Eger olai bolmasa, onda bul kezdesýlerdiń barlyǵy bosqa ýaqyt ótkizgenmen teń. Al óziniń qarý obektileriniń tizimin ashyp aitpai otyrǵan jabyq memleketke kómek kórsetý tipten oilandyratyn jaǵdai», - dep jazady avtor.
Basylymnyń habarlaýynsha, AQSh-tyń Soltústik Koreiadaǵy elshisi ekinshi sammit týraly kelissózder júrgizý úshin Phenianǵa barǵan. «Byltyr ótken kezdesý jaqsy qabyldanǵanymen, naqty sheshim bolmaǵany belgili. Eki jaq ta denýklerizatsiiany qoldaitynyn aitqanymen, onyń qalai júzege asyrylatyny jumbaq kúiinde qaldy», - dep jazypty basylym.
Al sarapshylar Donald Tramptyń Soltústik Koreia endi álemge qaýip tóndirmeitini týraly pikirine toqtalyp, áitse de KHDR-dyń iadrolyq baǵdarlamadan bas tartpaǵanyn umytpaý kerektigin eske salady.
AQSh Soltústik Koreianyń iadrolyq qarý obektileriniń tizimin tolyq jariialaýyn surap otyr. Bul tizim qoldaryna tise AQSh obektilerdi halyqaralyq uiymdardyń baqylaýymen joiatynyn da aitady. Degenmen, Soltústik Koreia áli de tizimdi usynatyn syńai tanyta qoimady.
Aita ketý kerek, BUU Soltústik Koreia iadrolyq baǵdarlamasyn jalǵastyryp, sanktsiialardy buzǵanyn aitty. BUU baiandamasynda halyqaralyq qaýymdastyqtardyń sanktsiialary da tiimsiz bola bastaǵan.
