Qyzylorda oblysy Qazaly aýdanynda meiramhanada qyz uzatý toiyn jasaǵan turǵyn jazaǵa tartyldy, dep habarlaidy "Ult aqparat".
Aýdan ákimi baspasóz qyzmetiniń habarlaýynsha, qazir Qazalyda mobildi top músheleri tótenshe jaǵdai kezinde turǵyndarǵa adam kóp jinalatyn jerge barmaý, toi-jiyn ótkizbeý jóninde túsindirme jumysyn kúndelikti júrgizýde. Soǵan qaramastan aýlasynda toi jasaý, meiramhanada qyz uzatý jaǵdaiy kezdesken. Olar tiisti jazaǵa tartyldy.
Oblystyq politsiia departamentiniń málimetine súiensek, Syr óńirinde 15 naýryzdan bastap osy maqsatta jergilikti atqarýshy organdarmen birlese otyryp reid júrgizilýde.
Reid barysynda jarǵymen bekitilgen shekteýdi saqtamai kelgen 34 kásipker, tótenshe jaǵdai rejimin buzyp quqyq buzýshylyq jasaǵany anyqtaldy. Búgingi kúnge quqyq buzǵandarǵa qatysty 20 ákimshilik is sotpen onlain túrde qaralyp, onyń ishinde 16-syna 10 AEK mólsherinde aiyppul salynyp, tórteýi ákimshilik qamaqqa alyndy.
Budan buryn Qyzylordada aýlasynda toi jasaǵan turǵyn jazalanǵan bolatyn.
