Ninety One toby "Ózimiz ǵoi" baǵdarlamasynda qonaq bolyp, aldaǵy josparyn bólisti, - dep habarlaidy Tengrinews.kz agenttigi.
Ninety One buǵan deiin toiǵa shyqpaǵan. Top músheleri endi toiǵa shaqyrtý alsa, bas tartpaitynyn jetkizdi.
"Eger bizdiń shaǵyn raiderimiz oryndalsa, toiǵa shyǵyp kóreiik dep sheshtik. Basynda toi men shoý-biznesti bólip, ekeýin aralastyrmaǵan edik. Barlyq kúsh-jigerdi shyǵarmashylyqqa qoidyq. Degenmen, toi - qazaqtyń qazynasy, odan qashyp qutyla almaimyz. Negizi, biz toiǵa eshqashan shyqpaimyz dep aitpaǵanbyz. Erbolat aǵa ne degenin bilmeimiz, biraq biz olai dep málimdeme jasamadyq", - dedi 91 jigitteri.
Sonymen qatar, qazaqstandyq boizbend toiǵa qandai jaǵdaida baratynyn bildirdi.
"Eger toida sahna jáne qajetti tehnika bolsa, biz toiǵa baramyz. Tek toi emes, basqa da usynystardy qarastyramyz", - dedi olar.
Buǵan deiin Ninety One ataqty amerikalyq radio didjeii Aleks Ýoterske suhbat bergen edi.
Eske salaiyq, toptyń burynǵy prodiýseri Erbolat Bedelhan Ninety One men Juzz Entertainment kompaniiasy arasyndaǵy kelisimshart merzimi byltyr qyrkúiekte bitkenin málimdegen. Sodan beri top jeke brend retinde jumys júrgizedi. Al kompaniia basqa baǵyttaǵy jobalardy qolǵa alady.
