Atyraýda Áli Oqapovqqa qyz uzatqan otbasyǵa aiyppul salyndy, dep habarlaidy "Ult aqparat".
Buǵan deiin áleýmettik jelide tanymal estrada ánshisi, Qazaqstannyń Eńbek Eri Roza Rymbaevanyń uly Áli Oqapovtyń atyraýlyq arýǵa úilengen sátinen fotolar jariialanǵan edi. Ánshiniń uly «Asyl» tobynyń múshesi Aqerke Búrkitbaimen shańyraq kóterdi.
«Oblystyń bas memlekettik sanitarlyq dárigeriniń toi, otbasylyq jiyndar ótkizýge shekteý salǵanyna qaramastan, biylǵy 19 tamyzda Atyraý qalasynyń «Samal» yqshamaýdanyndaǵy jeke úide otbasylyq qyz uzatý sharasy ótken. Úi iesi oǵan týma-týystaryn jinaǵany anyqtaldy. Karantindik shekteý sharalarynyń talabyn buzǵan otbasyǵa QR Ákimshilik quqyqbuzýshylyq týraly Kodeksiniń 425-baby, 1-bóligine sáikes ákimshilik hattama toltyrylyp, 15 ailyq eseptik kórsetkish kóleminde (41 myńnan astam teńge) aiyppul salyndy» - dep habarlady oblystyq taýarlar men kórsetiletin qyzmetterdiń sapasy men qaýipsizdigin baqylaý departamentiniń baspasóz qyzmeti.
Aita keteiik, Roza Rymbaeva eki jastyń toiy karantin 100% aiaqtalǵannan keiin ótetinin aitty.
