Tótenshe jaǵdailar qyzmetkerleri ushaq apatynan zardap shekkenderge qan tapsyrdy, dep habarlaidy "Ult aqparat".
«Almaty qalalyq tótenshe jaǵdailar departamentiniń qyzmetkerleri de shet qalmai, ózge de qyzmettermen birge ushaq apatynan zardap shekkender úshin «Qalalyq qan ortalyǵy» sharýashylyq júrgizý quqyǵyndaǵy memlekettik kommýnaldyq kásipornynda qan tapsyrdy», - delingen QR IIM Tótenshe jaǵdailar komitetiniń baspasóz qyzmeti taratqan aqparatta.
Aita keteiik, búgin tańerteń Almatydan Nur-Sultan qalasyna ushyp shyqqan ushaq radardan joǵalyp ketti.
Keiin 95 jolaýshy men 5 ekipaj múshesi bar ushaqtyń apatqa ushyraǵany málim boldy. Oqiǵanyń mán-jaiyn anyqtaý úshin ushaq qulaǵan aýmaqqa arnaiy komissiia ushyp shyqty.
QR Prezidenti Qasym-Jomart Toqaev ushaq apatyna kináliler zańǵa sáikes qatań jazalanatynyn málimdedi. Elbasy Nursultan Nazarbaev jolaýshylar ushaǵynyń apatqa ushyraýyna bailanysty kóńil aitty.
QR DSM ushaq apatynan zardap shekkenderge meditsinalyq kómek kórsetý úshin resýrstar jetkilikti ekenin, qan tapsyrýdyń qajeti joq ekenin málimdedi.
