Elimizde tótenshe jaǵdai rejimi kezinde jeke kásipkerlik ashýǵa 37 myńǵa jýyq ótinim tústi. Bul týraly QR Ulttyq ekonomika ministrligi kásipkerlikti damytý departamentiniń direktory Shyńǵys Ahmetov aitty, dep habarlaidy QazAqparat.
«Statistika komitetiniń aqparatyna sáikes, osy jyldyń birinshi jartyjyldyǵynda kásiporyn ashý úshin shamamen 90 myń kásipkerlik sýbektisinen ótinim tústi. Onyń ishinde shamamen 16 myńy - zańdy tulǵalardan, 74 myńy - jeke kásipkerlerden túsip otyr. 2020 jyldyń ekinshi toqsanynda, iaǵni, biznes ashýǵa jáne júrgizýge barynsha kúrdeli kezeńde 37 myń ótinim, onyń ishinde zańdy tulǵalardan - 6 300, jeke kásipkerlerden - shamamen 30 myń ótinim berildi», - dedi ol Ortalyq kommýnikatsiialar qyzmetindegi brifing barysynda.
Onyń atap ótýinshe, shaǵyn jáne orta biznesti qoldaýǵa baǵyttalǵan birqatar sharalar qabyldanyp, nátijesinde bul salada oń qarqyn baiqalyp otyr.
«Shaǵyn jáne orta bizneske basa nazar aýdarylýda. Birqatar qoldaý toptamasy qabyldanyp, sonyń nátijesinde oń qarqyn baiqalady. Osy jyldyń qańtarymen salystyrǵanda 1 maýsymdaǵy jumys istep turǵan kásipkerler sanyna keler bolsaq, qazirgi dinamika saqtalyp otyr. Tipti biznes sany boiynsha 0,2 paiyzǵa ósim bar. Sondyqtan kei óńirlerde teris trend baiqalǵanymen, búkil elimiz boiynsha biznes sanyna qatysty oń kórsetkish baiqalady», - dedi Shyńǵys Ahmetov.
