Elordalyq politseiler koronavirýstyq infektsiia týraly jalǵan aqparat taratpaýdy surady, dep habarlaidy "Ult aqparat".
Bul týraly Nur-Sultan qalasynyń politsiia departamentiniń basshysy Erjan Sádenov aityp berdi.
«Karantindik sharalardy júzege asyrýǵa tartylǵan ishki ister organdary qyzmetine túsinistik tanytyp, talaptaryn qatań saqtaýyńyzdy suraimyn. Osy sátti paidalanyp, koronavirýstyq infektsiia týraly jalǵan aqparat taratý jaýapkershiligi týraly eskertkim keledi. Tótenshe jaǵdai rejimi men karantindi buzý qylmystyq jáne ákimshilik jaýapkershilikke ákep soǵady», - dedi departament basshysy Ortalyq kommýnikatsiialar qyzmetinde.
Onyń aitýynsha, turǵyndardy mazalaǵan suraqtarǵa jaýap beretin arnaiy koll-ortalyq qurylady. Odan bólek, 109, 101, 102, 103 qyzmetteri jumys isteidi.
Buǵan deiin karantin jariialanǵan Nur-Sultan men Almaty qalalaryna blokposttar qoiylyp, kólik pen azamattardyń qozǵalysy shekteletini habarlanǵan edi.
Qalaǵa Nur-Sultan men Almatyda tiisti tirkeýde turǵan adamdar jáne qalalardyń ómirlik qyzmetterin qamtamasyz etýge qajet adamdar ǵana kiredi. Tizimdi ákimdikter anyqtaidy.
