ەلوردالىق پوليتسەيلەر كوروناۆيرۋستىق ينفەكتسييا تۋرالى جالعان اقپارات تاراتپاۋدى سۇرادى, دەپ حابارلايدى "ۇلت اقپارات".
بۇل تۋرالى نۇر-سۇلتان قالاسىنىڭ پوليتسييا دەپارتامەنتٸنٸڭ باسشىسى ەرجان سەدەنوۆ ايتىپ بەردٸ.
«كارانتيندٸك شارالاردى جٷزەگە اسىرۋعا تارتىلعان ٸشكٸ ٸستەر ورگاندارى قىزمەتٸنە تٷسٸنٸستٸك تانىتىپ, تالاپتارىن قاتاڭ ساقتاۋىڭىزدى سۇرايمىن. وسى سەتتٸ پايدالانىپ, كوروناۆيرۋستىق ينفەكتسييا تۋرالى جالعان اقپارات تاراتۋ جاۋاپكەرشٸلٸگٸ تۋرالى ەسكەرتكٸم كەلەدٸ. تٶتەنشە جاعداي رەجيمٸ مەن كارانتيندٸ بۇزۋ قىلمىستىق جەنە ەكٸمشٸلٸك جاۋاپكەرشٸلٸككە ەكەپ سوعادى», - دەدٸ دەپارتامەنت باسشىسى ورتالىق كوممۋنيكاتسييالار قىزمەتٸندە.
ونىڭ ايتۋىنشا, تۇرعىنداردى مازالاعان سۇراقتارعا جاۋاپ بەرەتٸن ارنايى كولل-ورتالىق قۇرىلادى. ودان بٶلەك, 109, 101, 102, 103 قىزمەتتەرٸ جۇمىس ٸستەيدٸ.
بۇعان دەيٸن كارانتين جارييالانعان نۇر-سۇلتان مەن الماتى قالالارىنا بلوكپوستتار قويىلىپ, كٶلٸك پەن ازاماتتاردىڭ قوزعالىسى شەكتەلەتٸنٸ حابارلانعان ەدٸ.
قالاعا نۇر-سۇلتان مەن الماتىدا تيٸستٸ تٸركەۋدە تۇرعان ادامدار جەنە قالالاردىڭ ٶمٸرلٸك قىزمەتتەرٸن قامتاماسىز ەتۋگە قاجەت ادامدار عانا كٸرەدٸ. تٸزٸمدٸ ەكٸمدٸكتەر انىقتايدى.
