Tariftik retteýshi kommýnaldyq qyzmetterdi jetkizýshilerge qaryzdar úshin tutynýshylarǵa óz qyzmetterin berýdi toqtatpaýǵa keńes berdi, dep habarlaidy "Ult aqparat".
Osy oraida QR UEM Tabiǵi monopoliialardy retteý komitetiniń ortalyq apparaty óziniń aýmaqtyq bólimshelerine tiisti tapsyrma berdi. Onyń aiasynda tabiǵi monopoliialar jáne qoǵamdyq mańyzy bar naryqtar sýbektilerine tótenshe jaǵdai kezeńinde paida bolǵan qaryzdar úshin tutynýshylarǵa TKSh salasynda rettelip kórsetiletin qyzmetterdi usynýdy toqtatpaýǵa keńes berildi.
«Bul sharalar koronavirýstyń taralýyna bailanysty eldegi tótenshe jaǵdai kezeńinde Qazaqstan Respýblikasy halqynyń qaýipsizdigin qamtamasyz etý maqsatynda qabyldandy», - delingen QR UEM Tabiǵi monopoliialardy retteý komitetiniń habarlamasynda.
