Búgin Qazaqstanda tótenshe jaǵdai rejimi resmi túrde aiaqtaldy. Osyǵan bailanysty Qazaqstan Qarýly kúshteriniń blokposttardy kúsheitý, eldi mekenderdi dezinfektsiialaý jáne patrýldeý boiynsha kezekshilikke tartylǵan jeke quramy men áskeri tehnikasy óziniń turaqty ornalasqan pýnktterine qaitady.
Qorǵanys ministrligi baspasóz qyzmetiniń habarlaýynsha, áskeriler de áskeri-kólik aviatsiiasynyń kúshimen, sondai-aq óz tehnikalarymen pýnktterine jetkiziledi.
«Bul rette, arnaiy jiyndarǵa shaqyrylǵan aýmaqtyq qorǵanys áskerleriniń áskeri qyzmetshileri mindetterin buryn bekitilgen merzimge jáne jergilikti atqarýshy organdardyń josparyna sáikes oryndaýdy jalǵastyrady», delingen habarlamada.
Elde tótenshe jaǵdai engizilgen kúnnen bastap áskerilerge rejimdi qamtamasyz etý jáne virýspen kúreste mańyzdy mindetter júkteldi. Áskeri qyzmetshiler aýmaqtar men obektilerdi óńdep, blokbeketterde jáne patrýlderde qyzmet atqardy.
