QR Eńbek jáne halyqty áleýmettik qorǵaý ministri Birjan Nurymbetov qashyqtyqtan jumys isteitinderdiń eńbekaqysy týraly pikir bildirdi, dep habarlaidy QazAqparat.
Onyń aitýynsha, qashyqtyqtan jumys isteý múmkindigi bar barlyq kásiporyndar men mekemeler osy rejimge aýysýǵa mindetti. Bul Eńbek kodeksiniń 138-babymen retteledi.
«Qashyqtyqtan jumysqa kóshkende, eńbekaqy tóleý tártibi ózgermeidi. Bul jerde azamat óziniń jumys ornynda emes, úiden jumys isteýge múmkindik alady. Eńbek kodeksi boiynsha, oǵan jumys berýshi tiisti jaǵdai jasaýǵa mindetti jáne jalaqysyn ai saiynǵy alyp júrgen kólemde tóleitin bolady», - dedi B. Nurymbetov.
Eske sala ketsek, QR Prezidentiniń Jarlyǵymen Dúniejúzilik densaýlyq saqtaý uiymynyń jańa COVID-19 koronavirýsyn pandemiia dep jariialaýyna bailanysty azamattardyń ómiri men densaýlyǵyn qorǵaý maqsatynda Qazaqstan Respýblikasynyń barlyq aýmaǵynda 2020 jylǵy 16 naýryz 08 saǵat 00 minýt pen 2020 jylǵy 15 sáýir 07 saǵat 00 minýt aralyǵynda tótenshe jaǵdai engizildi.
Sondai-aq Qazaqstan azamattaryna 15 sáýirge deiin el aýmaǵynan shyǵýǵa tyiym salyndy.
QR Prezidenti Qasym-Jomart Toqaev el halqyna úndeý joldady. Úndeýdiń tolyq mátini jariialandy.
