Sýret: © almaty.tv
Aýrýhana tósegine tańylǵan er adam dosy ekeýiniń tártip saqshylarynan soqqy jep, aýyr jaraqattanǵanyn aityp, quzyrly organdardan ádildik surady, - dep habarlaidy "Almaty" telearnasy.
Jambyl oblysy Shý aýdanynyń turǵyny sumdyq jait týraly úndeý jasap, jelige jariialady.
Óziniń beineúndeýinde jábirlenýshi birneshe qyzmetkerdiń esimin ataidy. Ádil tergeýdi talap etken aýdan turǵyny tártip saqshylarynyń isti jyly jaýyp tastaǵysy keletinin jetkizgen. Al Politsiia departamenti jaǵdaidyń anyq-qanyǵyn anyqtaý maqsatynda tergeý amaldary bastalǵanyn málimdedi.
"Atalǵan derek boiynsha QR Qylmystyq kodeksiniń 293-baby 3-bóligi boiynsha sotaldy tergeý amaldary bastaldy. Qazirgi ýaqytta Politsiia departamenti ózindik qaýipsizdik basqarmasynyń qyzmetkerleri istiń tolyq mán-jaiyn anyqtaý úshin barlyq qajetti jedel tergeý is sharasyn júrgizip jatyr. Tergeý barysy QR IIM basshylyǵynyń baqylaýyna alyndy", - dedi Jambyl oblysy Politsiia departamenti baspasóz qyzmetiniń jetekshisi Gúlsara Muhtarqulova.
video: "Almaty" telearnasy
