Foto: instagram.com/suleimen_promotions_official/
Birneshe qazaqstandyq boksshy AQSh-ta jekpe-jek ótkizip, qarsylastaryn nokaýtqa túsirdi, - dep habarlaidy Tengrinews.kz agenttigi Vesti.kz portalyna silteme jasap.
Bokstan Qazaqstan ulttyq quramasynyń eks-kapitany Abylaihan Júsipov AQSh-ta alǵashqy jekpe-jegin ótkizdi. Júsipov Minneapoliste (Minnesota) ótken boks keshinde tájiribeli meksikalyq Edgar Ramirespen (18-20-1, 14 KO) kezdesti. Jartylai orta salmaqtaǵy jekpe-jek tórt raýndqa josparlanǵan bolatyn, biraq alǵashqy úsh minýtta Júsipov qarsylasyn nokaýtqa túsirip, jeńiske jetti. Bul - Júsipovtiń kásipqoilar arasynda ekinshi jeńisi. Ramires karerasynda 21-ret jeńiliske ushyrady.
WBA International tujyrymy boiynsha sýper jeńil salmaq dárejesindegi qazaqstandyq boksshysy Evgenii Pavlov ta (6-0, 4 KO) AQSh-ta alǵashqy kezdesýin ótkizdi. Pavlov meksikalyq Aleksis Salidomen kezdesti. Jekpe-jek alty raýndqa josparlanǵan bolatyn, biraq ekinshi raýndta aiaqtaldy - qazaqstandyq qarsylasyn nokaýtqa túsirdi. Pavlov kásipqoi boksta jetinshi jeńisine qoljetkizdi. Salido bolsa mansabynda úshinshi ret jeńildi.
Minneapolistegi boks keshinde WBA International tujyrymy boiynsha orta salmaqtaǵy boksshy Bek Nurmaǵanbet te (6-0, 4 KO) jekpe-jek ótkizdi. Ol amerikandyq Hainel Ýilermen judyryqtasty. Jekpe-jek alty raýndqa josparlanǵan edi, biraq ekinshi raýndta Nurmaǵanbettiń jeńisimen aiaqtaldy. Ol qarsylasyn nokaýtqa túsirdi. Bul - Nurmaǵanbettiń kásipqoi bokstaǵy jetinshi jeńisi. Ýilerdiń ekinshi jeńilisi.
Sondai-aq, Ábilhan Amanqul kásipqoi ringtegi debiýtinde nokaýtpen jeńdi. 24 jastaǵy Amanquldyń qarsylasy - amerikalyq Devonte Makdonald. Orta salmaqtaǵy jekpe-jek tórt raýndqa eseptelgenimen, úshinshi kezeńde Amanquldyń jeńisimen aiaqtaldy. Ol da qaryslasyn nokaýtqa túsirdi. Amanqul – 2017 jylǵy álem chempionatynyń kúmis júldegeri, 2018 jylǵy Aziia oiyndarynyń kúmis júldegeri jáne 2019 jylǵy Aziia chempionatynyń qola júldegeri.
