Foto: ashyq derekkózden
Aqtóbede qoǵamda úlken rezonans týdyrǵan jol apatyna qatysty qylmystyq is qaita qaralatyn boldy. Bul týraly oblystyq prokýratýra habarlady.
Apelliatsiialyq saty júk kóliginiń júrgizýshisine qatysty shyǵarylǵan aqtaý úkiminiń kúshin joidy. Sondai-aq, is boiynsha qabyldanǵan jeke qaýly da jaramsyz dep tanyldy.
Prokýratýranyń málimetinshe, biyl naýryz aiynda Aqtóbe oblysynyń mamandandyrylǵan aýdanaralyq sotynda alqabilerdiń qatysýymen ótken sot otyrysynda aiyptalýshy kinásiz dep tanylǵan. Ol tórt adamnyń, onyń ishinde úsh balanyń ólimine ákelgen jol apaty boiynsha aiyptalǵan edi.
Qaiǵyly oqiǵa 2023 jyly bolǵan. Apatqa ushyraǵan ekinshi kólikti áiel adam basqarǵan. Bir sátte ol kúieýi men úsh birdei balasynan aiyrylyp, orny tolmas qasiretke dýshar boldy. Bul jaǵdai qoǵamda keń talqylanyp, túrli pikir týǵyzdy.
Alǵashynda áiel adamǵa qatysty aqtaý úkimi shyǵarylǵan. Keiin kýágerdiń aiǵaqtaryna súiene otyryp, aiyp júk kóliginiń júrgizýshisine taǵylǵan. Alaida alqabiler ony da kinásiz dep tanyǵan.
Prokýratýra bul sheshimmen kelispei, apelliatsiialyq ótinishhat engizgen. Nátijesinde, apelliatsiialyq sot isti qaita qaraýǵa jiberip, daýly iske núkte áli qoiylmaǵanyn kórsetti.
