فوتو: اشىق دەرەككٶزدەن
اقتٶبەدە قوعامدا ٷلكەن رەزونانس تۋدىرعان جول اپاتىنا قاتىستى قىلمىستىق ٸس قايتا قارالاتىن بولدى. بۇل تۋرالى وبلىستىق پروكۋراتۋرا حابارلادى.
اپەللياتسييالىق ساتى جٷك كٶلٸگٸنٸڭ جٷرگٸزۋشٸسٸنە قاتىستى شىعارىلعان اقتاۋ ٷكٸمٸنٸڭ كٷشٸن جويدى. سونداي-اق, ٸس بويىنشا قابىلدانعان جەكە قاۋلى دا جارامسىز دەپ تانىلدى.
پروكۋراتۋرانىڭ مەلٸمەتٸنشە, بيىل ناۋرىز ايىندا اقتٶبە وبلىسىنىڭ مامانداندىرىلعان اۋدانارالىق سوتىندا القابيلەردٸڭ قاتىسۋىمەن ٶتكەن سوت وتىرىسىندا ايىپتالۋشى كٸنەسٸز دەپ تانىلعان. ول تٶرت ادامنىڭ, ونىڭ ٸشٸندە ٷش بالانىڭ ٶلٸمٸنە ەكەلگەن جول اپاتى بويىنشا ايىپتالعان ەدٸ.
قايعىلى وقيعا 2023 جىلى بولعان. اپاتقا ۇشىراعان ەكٸنشٸ كٶلٸكتٸ ەيەل ادام باسقارعان. بٸر سەتتە ول كٷيەۋٸ مەن ٷش بٸردەي بالاسىنان ايىرىلىپ, ورنى تولماس قاسٸرەتكە دۋشار بولدى. بۇل جاعداي قوعامدا كەڭ تالقىلانىپ, تٷرلٸ پٸكٸر تۋعىزدى.
العاشىندا ەيەل ادامعا قاتىستى اقتاۋ ٷكٸمٸ شىعارىلعان. كەيٸن كۋەگەردٸڭ ايعاقتارىنا سٷيەنە وتىرىپ, ايىپ جٷك كٶلٸگٸنٸڭ جٷرگٸزۋشٸسٸنە تاعىلعان. الايدا القابيلەر ونى دا كٸنەسٸز دەپ تانىعان.
پروكۋراتۋرا بۇل شەشٸممەن كەلٸسپەي, اپەللياتسييالىق ٶتٸنٸشحات ەنگٸزگەن. نەتيجەسٸندە, اپەللياتسييالىق سوت ٸستٸ قايتا قاراۋعا جٸبەرٸپ, داۋلى ٸسكە نٷكتە ەلٸ قويىلماعانىن كٶرسەتتٸ.
