Jańa Orleannyń (AQSh, Lýiziana shtaty) shyǵys jaǵynda qatty tornado bolyp, kem degende bir adam mert boldy jáne segizi zardap shekti. Sondai-aq, úiler qirap, elektr jelilerin túbimen julyp áketken, kólikter aýdarylǵan, dep habarlaidy QazAqparat Reuters-ke silteme jasap.
Seisenbi kúni 19:30-da Sen-Bernar okrýgi Arabi aýdanynda quiyn tárizdi túnergen surapyl qara bult ǵimarattardy jermen jeksen etip, kólikterdi aýdarǵan.
Qutqarýshylar 26 jastaǵy er adamnyń máiitin úiiniń aldynan tapqan, taǵy segiz adam aýrýhanaǵa jeńil jaraqatpen jetkizildi.
Ulttyq meteorologiia qyzmetiniń meteorologtary zalaldy zerttep, tornadonyń Fýdzity bes baldyq shkalasyna sáikes EF3 bolǵanyn málim etti. Jeldiń jyldamdyǵy saǵatyna 136-dan 165 mil bolǵan.
