Foto: QBF
Bokstan jastar arasyndaǵy Qazaqstan quramasynyń kapitany Tórehan Sabyrhan álem chempionatynyń eń úzdik boksshysy atandy, dep habarlaidy Stan.kz.
Jastar men jasóspirimder arasyndaǵy Aziia chempionatynyń 4 dúrkin jeńimpazy Tórehan Sabyrhan Chernogoriianyń Býdvada qalasynda ótken jastar arasyndaǵy álem chempionatynyń jeńimpazy ǵana atanyp qoimai, álem birinshiliginiń eń úzdik boksshysy atandy.
Tamasha ónerimen talaidy tamsandyrǵan Tórehan Sabyrhan finalǵa deiin qarsylastaryna esh múmkindik bermei utty. 67 keli salmaqta synǵa túsip jatqan otandasymyz alǵashqy eki kezdesýin aiqyn utyp, shirek finalda da ózbekstandyq bylǵary qolǵap sheberin aiqyn utsa, jartylai finalda qytailyq boksshyny 5:0 esebimen tize búktirdi. Al finalda kýbalyq Devid Manýel Espinosa Santoianyń mysyn basty.
Aita keteiik, buǵan deiin bokstan Qazaqstan quramasy jalpykomandalyq esepte birinshi oryn alǵanyn jazǵan edik.
