Foto: instagram.com/toregalitoreali
Áleýmettik jelide Almatydaǵy kóshelerdiń birinde Lexus kóligi júrgizýshisiniń ustalǵan sáti tarady. Oqiǵa kýágerleri men jeli qoldanýshylary kólikte bolǵan azamat - tanymal ánshi Tóreǵali Tóreáli ekenin aityp jatyr. IIM baspasóz qyzmeti osy derekke qatysty pikir bildirdi, - dep habarlaidy "Ult aqparat".
Almaty qalalyq Politsiia departamenti málimetinshe, 14 maýsymda Mailin kóshesiniń boiynda, soltústik baǵytta, jergilikti politsiia qyzmetiniń mamandandyrylǵan batalonynyń ekipajy 1992 jyly týǵan A. esimdi (Ýikipediiadaǵy málimet boiynsha, Tóreǵali Tóreáliniń tegi - Alihanov, - red.) azamattyń basqarýyndaǵy Lexus avtokóligin toqtatqan.
"Júrgizýshiniń minez-qulqy óreskel bolyp kórindi: ol agressivti boldy, politsiianyń zańdy talaptaryna baǵynbady, turaqta turǵan Chevrolet kóligine zaqym keltirip, ustalǵan ornynan qashyp ketpek boldy.
Quqyq buzýshynyń joly buǵattaldy. Patrýldik politsiia qyzmetkerleri ony ustap, meditsinalyq tekserýge alyp bardy. Saraptama nátijesinde A. esimdi azamattyń esirtkige mas ekendigi belgili boldy.
QR ÁQbK-niń 608 baby 3 bóligi, QR ÁQbK-niń 613 baby 1 bóligi, QR ÁQbK-niń 599 baby 1 bóligi, QR ÁQbK-niń 596 baby 3 bóligi, QR ÁQbK-niń 600 baby 1 bóligi jáne QR ÁQbK-niń 230 baby 2 bóligi boiynsha hattamalar toltyryldy" - delingen habarlamada.
Kólik mamandandyrylǵan aiyppul turaǵyna qoiylǵan. Óndiris materialdary sheshim shyǵarý úshin sotqa jiberiledi.
