Qazaqstan Prezidenti Qasym-Jomart Toqaev Parlamenttiń birlesken otyrysynda memlekettik bilik júiesindegi reformalardyń negizgi baǵytyna toqtalyp, jańa Konstitýtsiia aiasynda elimizdiń zań shyǵarý júiesi túbegeili jańǵyrǵanyn málimdedi, dep habarlaidy ult.kz.
Memleket basshysynyń aitýynsha, Konstitýtsiia qabyldanǵannan keiin qysqa merzim ishinde ulttyq zańnamany jańa talaptarǵa sáikestendirý boiynsha aýqymdy jumys júrgizildi. Osy kezeńde Parlament 9 zańdy, onyń ishinde 6 konstitýtsiialyq zańdy ázirlep, qabyldaǵan.
Prezidenttiń sózinshe, konstitýtsiialyq ózgerister nátijesinde memlekettik basqarýdyń jańa modeli qalyptasty. Onyń negizinde «kúshti Prezident, yqpaldy Quryltai, esep beretin Úkimet» qaǵidaty jatyr.
Sondai-aq Toqaev Prezident institýtynyń eldegi basty saiasi rólin saqtap qalǵanyn atap ótti.
«Prezident memlekettiń táýelsizdigi men birliginiń simvoly, Konstitýtsiianyń, azamattardyń zańdy quqyqtary men bostandyqtarynyń saqtalýynyń kepili retindegi óziniń negizgi rólin saqtap qaldy», - dedi ol.
Sonymen qatar Prezident Qarýly Kúshterdiń Joǵarǵy Bas qolbasshysy retinde qorǵanys salasyna jetekshilik etedi, quqyq qorǵaý organdarynyń basshylaryn taǵaiyndaidy, ishki jáne syrtqy saiasattyń negizgi baǵyttaryn aiqyndaidy jáne halyqaralyq deńgeide Qazaqstannyń atynan ókildik etedi.
Prezident Qazaqstannyń basqarý formasy ózgermeitinin aityp, eldiń ári qarai da prezidenttik respýblika bolyp qala beretinin erekshe atap ótti.
Sonymen birge Toqaev zań shyǵarý júiesin odan ári jetildirý mindetine toqtaldy. Onyń pikirinshe, jańa Quryltai artyq biýrokratiialyq rásimderden arylyp, zań jobalaryn qaraý úderisin jedeldetýge tiis.
«Quryltai biýrokratiialyq rásimder túrindegi barlyq kedergini joiyp, zań shyǵarýdyń jyldamdyǵy men sapasyn arttyrýy, bilikti sarapshylar men keńesshilerdiń tiimdi qyzmetin uiymdastyrýy tiis», - dedi Toqaev.
Memleket basshysy tsifrlandyrý men jasandy intellekt qarqyndy damyp jatqan kezeńde zańnamany da jańa tehnologiialardyń talaptaryna jedel beiimdeý mańyzdy ekenin aitty. Osyǵan bailanysty Quryltai ózgerip jatqan tsifrlyq ortaǵa sai sheshimderdi burynǵydan da jyldam qabyldaýy qajet ekenin jetkizdi.
