Prezident Qasym-Jomart Toqaev daýys bergennen keiin jýrnalisterge pikir bildirip, qoǵamdaǵy amandasý mádenietine qatysty oiyn aitty, dep habarlaidy ult.kz.
Memleket basshysy er adamdardyń bir-birin qushaqtap, súiip amandasýyn, sondai-aq áielder men erlerdiń sálemdesý kezinde bir-biriniń betinen súiýin quptamaitynyn jetkizdi.
Toqaevtyń sózinshe, mundai áreket qazaqtyń dástúrli ádet-ǵurpyna tán emes. Ásirese áskeri kiimdegi adamdardyń, onyń ishinde generaldardyń osylai amandasýy oǵash kórinetinin atap ótti.
«Bizdiń salt-dástúrimizde mundai eshqashan bolmaǵan. Ásirese, áskeri forma kigenderdiń, generaldardyń osylai istegeni kózge oǵash kórinedi. Bul ne masqara?» – dedi Prezident.
Ol burynǵy keńestik marshaldardyń, sonyń ishinde Uly Otan soǵysynda jeńiske jetken áskeri qolbasshylardyń mundai amandasý úlgisin qoldanǵanyn elestetý qiyn ekenin aitty.
Memleket basshysy er adamdardyń amandasqanda qolyn jai ǵana usyna salmai, qoldy nyq qysyp amandasýy kerektigin atap ótti. Onyń pikirinshe, jeńil ǵana jymiyp qoiýdyń ózi jetkilikti.
Sonymen qatar Toqaev adammen kezdeskenine shyn qýanyshty bolǵan jaǵdaida oń qoldy keýdege qoiyp amandasýǵa bolatynyn aitty.
