پرەزيدەنت قاسىم-جومارت توقاەۆ داۋىس بەرگەننەن كەيٸن جۋرناليستەرگە پٸكٸر بٸلدٸرٸپ, قوعامداعى امانداسۋ مەدەنيەتٸنە قاتىستى ويىن ايتتى, دەپ حابارلايدى ult.kz.
مەملەكەت باسشىسى ەر ادامداردىڭ بٸر-بٸرٸن قۇشاقتاپ, سٷيٸپ امانداسۋىن, سونداي-اق ەيەلدەر مەن ەرلەردٸڭ سەلەمدەسۋ كەزٸندە بٸر-بٸرٸنٸڭ بەتٸنەن سٷيۋٸن قۇپتامايتىنىن جەتكٸزدٸ.
توقاەۆتىڭ سٶزٸنشە, مۇنداي ەرەكەت قازاقتىڭ دەستٷرلٸ ەدەت-عۇرپىنا تەن ەمەس. ەسٸرەسە ەسكەري كيٸمدەگٸ ادامداردىڭ, ونىڭ ٸشٸندە گەنەرالداردىڭ وسىلاي امانداسۋى وعاش كٶرٸنەتٸنٸن اتاپ ٶتتٸ.
«بٸزدٸڭ سالت-دەستٷرٸمٸزدە مۇنداي ەشقاشان بولماعان. ەسٸرەسە, ەسكەري فورما كيگەندەردٸڭ, گەنەرالداردىڭ وسىلاي ٸستەگەنٸ كٶزگە وعاش كٶرٸنەدٸ. بۇل نە ماسقارا?» – دەدٸ پرەزيدەنت.
ول بۇرىنعى كەڭەستٸك مارشالداردىڭ, سونىڭ ٸشٸندە ۇلى وتان سوعىسىندا جەڭٸسكە جەتكەن ەسكەري قولباسشىلاردىڭ مۇنداي امانداسۋ ٷلگٸسٸن قولدانعانىن ەلەستەتۋ قيىن ەكەنٸن ايتتى.
مەملەكەت باسشىسى ەر ادامداردىڭ امانداسقاندا قولىن جاي عانا ۇسىنا سالماي, قولدى نىق قىسىپ امانداسۋى كەرەكتٸگٸن اتاپ ٶتتٸ. ونىڭ پٸكٸرٸنشە, جەڭٸل عانا جىميىپ قويۋدىڭ ٶزٸ جەتكٸلٸكتٸ.
سونىمەن قاتار توقاەۆ اداممەن كەزدەسكەنٸنە شىن قۋانىشتى بولعان جاعدايدا وڭ قولدى كەۋدەگە قويىپ امانداسۋعا بولاتىنىن ايتتى.
