Máskeýde kóz jumǵan qazaq qyzy Tomiris Baisafanyń isi boiynsha sot tergeýi aiaqtaldy. Bul týraly marqumnyń anasy áleýmettik jelidegi paraqshasynda habarlady.
Janna Ahmetova sot isti qaraýdy aiaqtaǵanyn jáne endi úkim shyǵarylǵanǵa deiin taraptarǵa pikirsaiys ótkizý ǵana qalǵanyn jetkizdi.
Aita keteiik, 2022 jyldyń aqpanynda bas aiyptalýshy Mýrtýzali Medjidovtyń kelmeýine bailanysty Tomiris Baisafanyń ólimine qatysty sot otyrysy keiinge qaldyrylǵan edi.
Eske salaiyq, 2018 jyldyń 13 sáýirinde MMHQI Halyqaralyq ekonomikalyq qatynastar kafedrasynyń tórtinshi kýrs stýdenti Tomiris Baisafa jumbaq jaǵdaida JOO-nyń tórtinshi qabatynyń terezesinen qulap ketken. Aýyr jaraqat alyp, kóp qan joǵaltqan.
Sol jyldyń 3 mamyrynda ol Sklifosovskii ǵylymi-zertteý institýtynda qaitys boldy. Tomiristi óltirdi degen kúdikpen Daǵystannyń burynǵy premer-ministriniń uly Mýrtýzali Medjidov ustalǵan.
2021 jyldyń shildesinde Máskeýdegi alqabiler soty Mýrtýzali Medjidovti aqtap aldy. Degenmen qaitys bolǵan stýdenttiń anasynyń shaǵymdary men qoǵam narazylyǵynan keiin aqtaý úkiminiń kúshi joiylyp, is qaita qaraýǵa jiberildi.
