Tomas Bah Halyqaralyq Olimpiada komitetine (HOK) prezident qyzmetine qaita sailandy, dep habarlaidy "Ult aqparat" atalǵan uiymnyń saityna silteme jasap.
Bul sheshim HOK-niń 137-sessiiasynda ótkizilgen sailaýda qabyldandy. Onlain rejimde uiymdastyrylǵan shara barysynda ol 93 daýys jinap, bir adam qarsylyǵyn bildirdi.
Aita keteiik, atalǵan sailaýda bir ǵana úmitkerdiń kandidatýrasy tańdaldy.
Tomas Bah jańadan sailanǵan qyzmetine 3 shilde-8 tamyz aralyǵynda ótetin Tokio Olimpiadasynan keiin kirisedi.
Esterińizge sala ketelik, ol - Halyqaralyq olimpiada qomitetiniń toǵyzynshy prezidenti. Bul qyzmetti 2013 jyldan beri atqaryp keledi. Atalǵan uiymǵa 1991 jyly múshe esebinde qabyldanǵan ol 1996-2000 jyldar aralyǵynda atqarý komitetiniń quramyna endi. Al 2000-2013 jyldarda vitse-prezident boldy.
Biyl 68 jasqa tolatyn Tomas Bah 1976 jyly semserlesý sportynan Olimpiada chempiony ataǵyn jeńip alǵan edi.
