توماس باح حالىقارالىق وليمپيادا كوميتەتٸنە (حوك) پرەزيدەنت قىزمەتٸنە قايتا سايلاندى, دەپ حابارلايدى "ۇلت اقپارات" اتالعان ۇيىمنىڭ سايتىنا سٸلتەمە جاساپ.
بۇل شەشٸم حوك-نٸڭ 137-سەسسيياسىندا ٶتكٸزٸلگەن سايلاۋدا قابىلداندى. ونلاين رەجيمدە ۇيىمداستىرىلعان شارا بارىسىندا ول 93 داۋىس جيناپ, بٸر ادام قارسىلىعىن بٸلدٸردٸ.
ايتا كەتەيٸك, اتالعان سايلاۋدا بٸر عانا ٷمٸتكەردٸڭ كانديداتۋراسى تاڭدالدى.
توماس باح جاڭادان سايلانعان قىزمەتٸنە 3 شٸلدە-8 تامىز ارالىعىندا ٶتەتٸن توكيو وليمپياداسىنان كەيٸن كٸرٸسەدٸ.
ەستەرٸڭٸزگە سالا كەتەلٸك, ول - حالىقارالىق وليمپيادا قوميتەتٸنٸڭ توعىزىنشى پرەزيدەنتٸ. بۇل قىزمەتتٸ 2013 جىلدان بەرٸ اتقارىپ كەلەدٸ. اتالعان ۇيىمعا 1991 جىلى مٷشە ەسەبٸندە قابىلدانعان ول 1996-2000 جىلدار ارالىعىندا اتقارۋ كوميتەتٸنٸڭ قۇرامىنا ەندٸ. ال 2000-2013 جىلداردا ۆيتسە-پرەزيدەنت بولدى.
بيىل 68 جاسقا تولاتىن توماس باح 1976 جىلى سەمسەرلەسۋ سپورتىنان وليمپيادا چەمپيونى اتاعىن جەڭٸپ العان ەدٸ.
