Tolyq emes kópbalaly otbasylarǵa úiden jumys isteýge múmkinshilik jasaý qajet. Bul týraly búgin "Nur Otan" partiiasynyń kezekti XVIII sezinde Memleket basshysy Nursultan Nazarbaev aitty, dep habarlaidy QazAqparat tilshisi.
"Tolyq emes kópbalaly otbasylarǵa úiden jumys isteýge múmkinshilik jasaý qajet. Al aýyldaǵy kópbalaly otbasylarǵa jekelegen granttar, kvotalar jáne shaǵyn nesieler bólý qajet. Osy baǵytta jumys isteý kerek. Úkimet pen ákimder bul qyzmetti "Nur Otan" jáne "Atamekenmen" birge júzege asyrýy tiis", - dedi Elbasy.
Memleket basshysy barlyq ákimder muqtaj otbasylarǵa kómek kórsetýdiń óńirlik baǵdarlamasyn partiialyq "Baqytty otbasy" jobasyna sáikes qaita qarastyrý kerektigin eskertti.
"Ol elimizdegi otbasy institýtyn júieli qoldaýǵa baǵyttalǵan", - dedi Nursultan Nazarbaev.
Aita keteiik, Elordadaǵy Táýelsizdik saraiynda Elbasy Nursultan Nazarbaevtyń tóraǵalyǵymen "Nur Otan" partiiasynyń kezekti XVIII sezi ótip jatyr.
Sezd «Nur Otan» partiiasynyń 20 jyldyǵyna orai uiymdastyrylyp otyr. Onda birneshe máseleni qarastyrý kózdelgen.
Eń aldymen «Nur Otan» partiiasynyń 2030 jylǵa deiingi baǵdarlamasy týraly másele qozǵalady. Odan keiin partiianyń Jarǵysyna ózgerister men tolyqtyrýlar qarastyrylyp, partiia Saiasi keńesiniń jəne Ortalyq baqylaý-tekserý komissiiasynyń esepti kezeń boiynsha jumysynyń qorytyndylary shyǵarylady. Sonymen qatar partiia Saiasi keńesiniń jəne Ortalyq baqylaý-tekserý komissiiasynyń músheleri sailanatyn bolady.
Sezd jumysyna 2 myńǵa jýyq adam qatysýda. Olardyń 1200-i - elimizdiń barlyq óńirlerinen kelgen delegattar, al qalǵan 800-ge jýyǵy - qonaqtar.
