Respýblikanyń áskeri sotynda Toqtar Tóleshovtiń qai baptar boiynsha óz kinásin moiyndaǵany jariialandy, - dep habarlaidy "Ult aqparat".
2016 jyly 7 qarashada Astana qalasynyń Mamandandyrylǵan aýdanaralyq áskeri sotynda sýdia Erbol Ahmetjanov Toqtar Tóleshovke qatysty sot úkimin shyǵarǵan bolatyn. Ol 21 jylǵa bas bostandyǵynan aiyryldy.
"Sonymen qatar, Tóleshov taǵylǵan aiyptardyń bir bóligin ǵana moiyndady, ol óziniń zańsyz qarý-jaraq ustaǵanyn jáne sýyq qarý ustaǵanyn ǵana moiyndady", - dedi áskeri sotta. Aita keteiik, sot protsesi jabyq túrde ótti.
Tóleshovtiń jáne basqa da sottalýshylardyń advokattary sot úkimine aryz berdi. Qazirgi ýaqytta is materialdary respýblikalyq áskeri sottyń appeliatsiialyq kollegiiasynyń qaraýynda. Ol kelesi aptada qaralatyn bolady.
Toqtar Tóleshov pen basqa da tulǵalarǵa qatysty qylmystyq is áskeri sotqa 29 tamyzda "Qupiia" tártibinde túsken bolatyn. Sot protsesi 14 qyrkúiekte bastalǵan. Qylmystyq is 300 tomnan turady. Bul is boiynsha júzden asa kýáger, 17 jábirlenýshi jáne jábirlenýshi taraptyń 12 ókili qatysty. Tóleshov qylmystyq topty quryp, ony basqardy, zorlyq-zombylyq, bótenniń múlkin búldirý, urlaý, qaraqshylyq, adam óltirý jáne bilikti basyp alýǵa úgitteý jáne jariialanymdar shyǵarý boiynsha aiyptalyp jatyr.
