2021 jylǵy 1 qańtardaǵy jaǵdai boiynsha QR-da ainalymda 48 mln tólem kartasy boldy, bul ótken jyldyń sáikes kezeńimen salystyrǵanda (32 mln) 49,7%-ǵa kóp. Sońǵy úsh jylda ainalymdaǵy kartalar sany jylyna orta eseppen 35,7%-ǵa ósýde. Tiisinshe, osy kartalardy ustaýshylardyń da sany artýda. Máselen, 2020 jyly kórsetkish 31,6%-ǵa, iaǵni 39,2 mln-ǵa kóbeigen, dep habarlaidy "Ult aqparat" ranking.kz-ke silteme jasap.
Búginde árbir eresek qazaqstandyqqa (16 jastaǵy jáne odan joǵary) tórt tólem kartasy tiesili, bul qashyqtan banktik infraqurylymdy turaqty jańǵyrtýǵa suranysty qamtamasyz etedi. Bul kórsetkish boiynsha Almaty kósh bastap tur. Munda árbir turǵynda orta eseppen 9 karta bar. Sonymen qatar, Nur-Sultannyń ár turǵynyna 6 kartadan keledi. Tólem kartalary jáne tiisti infraqurylym búkil halyqty, onyń ishinde eldiń shalǵai óńirlerindegi halyqty tsifrlyq qyzmettermen qamtýǵa múmkindik beredi.
Qazaqstan aýmaǵynda halyqaralyq jáne jergilikti tólem kartalyq júieler jumys isteidi. Ainalymdaǵy kartalardyń negizgi úlesi — 67%-dan astamy Mastercard jáne VISA halyqaralyq tólem júielerine tiesili. Halyqaralyq tólem júieleriniń ónimderi men servisterin paidalaný karta ustaýshylarǵa álemniń kez-kelgen núktesinde tólemder jasaý múmkindigin usynady.
2020 jyly tólem kartochkalaryn paidalaný arqyly jalpy somasy 35,3 trln teńgege 2,9 mlrd qolma-qol aqshasyz tranzaktsiia júrgizildi. Bir jyl ishinde qolma-qol aqshasyz tólemder kólemi birden 2,4 esege ósti.
2020 jyly COVID-19 pandemiiasy qolma-qol aqshasyz tólem formatyna kóshýge aitarlyqtai áser etti.
QR aýmaǵynda 2020 jyly qolma-qol aqshasyz operatsiialardyń negizgi úlesi, atap aitqanda, qolma-qol aqshasyz tólemderdiń jalpy kóleminiń 81,4%-yn onlain-ótkizdi. Búgingi tańda eldegi 20 bankte iOS jáne Android júielerin paidalanýshylar úshin mobildi banking qyzmeti bar. Bir jyl ishinde bankterdiń onlain-servisterin paidalanýshylar sany 45,8%-ǵa, iaǵni 28,7 mln-ǵa deiin ulǵaidy. Bir jyl buryn 19,7 mln paidalanýshy bolǵan.
